Verndaðu heimilið gegn innbroti

31 Júlí 2024 12:41

Nú þegar ein mesta ferðahelgi ársins er fram undan er ekki úr vegi að minna á þessi skilaboð sem fjalla um afbrotavarnir og leiðir til að koma í veg fyrir innbrot á heimili. Lögreglan hefur iðulega nefnt ýmis ráð í þeim efnum, en í meðfylgjandi myndbandi er mikilvægi þess að hafa traustar hurðarlæsingar, útiljós með hreyfiskynjara, traustar gluggalæsingar og inniljós með tímastillir haldið á lofti. Þá er nágrannavarsla sömuleiðis mjög mikilvæg, en ef þið verið vör við grunsamlegar mannaferðir ekki hika við að hringja í lögreglu í síma 112.