24 Apríl 2024 10:58
Námskeið var í gær á vegum almannavarna í umdæminu og almannavarnadeildar RLS, haldið í húsakynnum aðgerðastjórnar. Á því voru fulltrúar frá björgunarsveitum, sveitarfélögunum, slökkviliðunum, Rauða krossinum, Heilbrigðisstofnun Austurlands (HSA) og lögreglu. Áherslan var á skipulag þegar kemur að náttúruvá, aðgerðastjórn og vettvangsstjórn, auk þess sem látið var reyna á samstarf og samstillingu eininga með skrifborðsæfingu. Námskeiðið stóð frá tíu að morgni til fimm síðdegis og gekk vel.
Næsta námskeið/æfing á vegum almannavarnanefndar Austurlands er fyrirhugað í lok maí.
