16 Apríl 2008 12:00
S.l. nótt var ljóskösturum stolið af tveim bifreiðum á Ísafirði. Af annarri bifreiðinni, sem stóð við Hreggnasa í Hnífsdal, var tveim kösturum stolið. Af flutningabifreið, sem stóð á Ásgeirskanti við höfnina á Ísafirði, var 5 kösturum stolið. Þetta er mikið tjón fyrir eigendur og leitar lögreglan þjófanna núna. Þeir sem urðu varir við mannaferðir eða bíla á ferð við þessa staði eru vinsamlega beðnir um að hafa samband við lögregluna á Vestfjörðum í síma 450 3730.