21 Febrúar 2024 16:31
Brot 16 ökumanna voru mynduð í Vatnagörðum í Reykjavík í dag. Fylgst var með ökutækjum sem var ekið Vatnagarða í suðurátt, á móts við Vatnagarða 20. Á einni klukkustund, eftir hádegi, fóru 212 ökutæki þessa akstursleið og því óku allnokkrir ökumenn, eða 8%, of hratt eða yfir afskiptahraða. Meðalhraði hinna brotlegu var 62 km/klst en þarna er 50 km hámarkshraði. Sá sem hraðast ók mældist á 73.
Vöktun lögreglunnar í Vatnagörðum er liður í umferðareftirliti hennar á höfuðborgarsvæðinu, en þess má geta að skýjað og blautt var á meðan hraðamælingunni stóð.