17 Desember 2022 21:10
Núna er víða illfært í efri byggðum á höfuðborgarsvæðinu og má þar sérstaklega nefna Grafarholt, Úlfarsárdal og Grafarvog, en strætisvagnar eru hættir að aka um í þessum hverfum vegna veðurs. Þar hefur verið mikill skafrenningur í kvöld og ófærðin er eftir því, en bæði strætisvagnar og fólksbílar hafa setið þar fastir.
Berist frekari fréttir af ferðum/áætlun strætivagna munum við reyna að koma því á framfæri.