Lögreglustjóri ber ábyrgð á launastefnu embættisins. Hann ber einnig ábyrgð á jafnlaunastefnu og að lagalegum kröfum og kröfum Jafnlaunastaðalsins ÍST 85:2012 sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfið og skal sjá um innleiðingu, skráningu, skjalfestingu og viðhalds á vottuðu jafnlaunakerfi í samræmi við kröfur jafnlaunastaðalsis ÍST 85:2012 og jafnréttislög nr. 150/2020.
Embættið greiðir laun eftir umfangi og eðli starfa og taka mið af þeim kröfum sem störf gera um þekkingu, hæfni og ábyrgð.
Forsendur launaákvarðana eru að þær séu í samræmi við lög, reglur og kjara- og stofnanasamninga, studdar rökum og tryggi að sömu laun séu greidd fyrir sambærileg eða jafnverðmæt störf.
Umfang og eðli starfs hefur áhrif á laun og ræðst af ýmsum þáttum, svo sem reynslu, þekkingu, hæfni, ábyrgð, álagi, mannaforráðum, menntun, samstarfshæfileikum, stjórnun og verkefnum. Allar launaákvarðanir skulu rökstuddar, sé þess óskað.
Ákvarðanir um launabreytingar eru teknar af lögreglustjóra sem fer yfir laun allra starfsmanna embættisins árlega til að tryggja að samræmis sé gætt í launagreiðslum.
Starfsmenn geta fengið viðtal við lögreglustjóra um endurskoðun launa. Telji lögreglustjóri þörf á endurskoðun að loknum fundi hefur hann samráð við yfirlögregluþjón og aðstoðaryfirlögregluþjón, eftir atvikum, um framhald málsins.
Starfslýsingar skulu vera til um öll störf embættisins. Þar skulu koma fram allir meginþættir starfs, svo sem kröfur um menntun, hæfni, reynslu og þá ábyrgð sem í starfinu felst auk upplýsinga um starfaflokk samkvæmt stofnanasamningi.
Launastefnan samræmist mannauðsstefnu embættisins.
Markmið embættisins er að tryggja öllum starfsmönnum þess jöfn laun og sömu kjör fyrir sömu eða jafnverðmæt störf þannig að enginn launamunur sé til staðar. Tryggja skal öllum jafna möguleika til starfa, ábyrgðar, launa, stöðuhækkana, endurmenntunar og starfsþjálfunar.
Skrifstofu lögreglustjórans á Vestfjörðum,
Ísafirði, 2. desember 2021
Karl Ingi Vilbergsson, lögreglustjóri
Grjóthrun úr Óshlíð - gætið varúðar.
Ofanflóðavakt Veðurstofu Íslands barst ábending um að mikið grjóthrun hafi orðið nú nýlega úr Óshlíð. Grjótið hafi fallið úr hlíðinni ofan vegarins, sem blessunarlega, var aflagður árið 2010 með opnun jarðganganna milli Hnífdals og Bolungarvíkur.
En þessi gamli og aflagði vegur um Óshlíð er vinsæll sem útivistasvæði og margir sem ganga, hlaupa eða hjóla þennan veg.
Lögreglan á Vestfjörðum vill vara við ferðum á veginum meðan aukin grjóthurunshætta er, eins og þessa dagana.
Meðfylgjandi er mynd sem Veðurstofa Íslands barst.
1 CommentComment on Facebook
Þessi skríða var nú reyndar fallin í byrjun ágúst, en auðvitað er aldrei of varlega farið.
Björgunarsveitin Ernir, unglingadeild, heimsækir lögregluna.
Í vikunni fengum við, í lögreglunni á Vestfjörðum, kærkomna heimsókn frá stórum hópi unglingadeildar björgunarsveitarinnar Ernis í Bolungarvík.
Þeim var kynnt hlutverk og verkefni lögreglu, sýndur búnaður og ökutæki og fleira.
Alltaf gaman að fá samstarfsfólk í heimsókn. En eins og gefur að skilja er náið samstarf lögreglu og björgunarsveita.
Skemmtilegur hópur sem brátt fer að taka þátt í björgunarstörfum á vegum björgunarsveitarinnar Ernis.
Meðfylgjandi myndir voru teknar við þetta tækifæri.
0 CommentsComment on Facebook
Veðurspáin fyrir Vestfirði í dag, ekkert ferðaveður einkum á heiðum.
Eins og veðurspáin hljómar nú í morgunsárið má búast við sunnan og suðvestan hvassviðri, 20-28 metrum á sek., hvassast norðan til og í hviðum yfir 35 metra á sek.
Veðurstofa Íslands telur að ekkert ferðaveður verði á norðanverðum Vestfjörðum og á Ströndum.
Þessi appelsíngula veðurviðvörun er talin ná hámarki um miðjan daginn í dag og vara fram yfir miðnætti.
Í ljósi þessa hvetur lögreglan til þess að allt lauslegt verði annað hvort fest tryggilega eða sett inn svo ekki verði tjón af. Sömuleiðis haldi fólk kyrru fyrir meðan veðrið gengur yfir.
vedur.is | Viðvaranir | Veðurstofa Íslands
www.vedur.is
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350 Hafa samband | Starfsfólk | Notkunarskilmálar | Veftré | Spurt og svarað um vefinn | Persónuv...1 CommentComment on Facebook
Þetta er svona núna hjá mér, farið varlega ♡
