Þá mega jólin koma.
Lögreglumenn á Ísafirði fengu í morgun góða gesti. Dúetinn Hjalti og Muggi hafa heimsótt lögreglumenn á Ísafirði í á annan áratug rétt fyrir jólin.
Þeir hafa haft gítarana sína með sér og sungið nokkur jólalög, að þeirra sögn til að lögreglan komist í jólaskap, sem sannarlega gerist.
Þeir þáðu heitt súkkulaði og smákökur við þetta tækifæri.
Lögreglumenn eru þakklátir fyrir þennan áratugalanga vinskap og hlýhug félaganna.
11 CommentsComment on Facebook
Glæsilegt hjá strákunum 👍😘
Illa svalir 🧸😎
Dásamlegir báðir tveir. Einstök vinátta þarna á ferð ❤️
Ómetanlegt🥰
Alltaf flottir.
Vinnur þú með börnum eða unglingum?
Lögreglan, í samvinnu við Neyðarlínuna og fjölda annarra samstarfsaðila, hefur þróað ítarleg flæðirit með skýrum leiðbeiningum um fyrstu viðbrögð vegna vopnalagabrota og kynferðisofbeldis. Flæðiritin eru ætluð starfsfólki í skólum, félagsmiðstöðvum og íþrótta- og æskulýðsstarfsemi.
Í kjölfar atvika er hægt að benda nemendum og/eða forsjáraðilum á úrræði sem henta.
Kynntu þér flæðirit um vopnaburð hér
👉
www.112.is
Hringdu í neyð í 112 eða smelltu á Netspjall 112 til að hefja samtal við neyðarvörð.0 CommentsComment on Facebook
Leitin að Áslaugu B Traustadóttur, sem fram hefur farið á Tálknafirði undanfarna daga hefur enn ekki borið árangur.
Síðast var vitað um ferðir Áslaugar sunnudaginn 8. desember sl. Bifreið hennar fannst, mannlaus, á veginum rétt utan við þorpið á Tálknafirði, skammt frá flæðamálinu.
Ekkert bendir til þess að hvarf Áslaugar hafi borið að með saknæmum hætti.
Leitinni, sem hefur verið mjög umfangsmikil og nákvæm, hefur verið hætt um sinn. Henni mun þó verða fram haldið en þó með minna sniði.
Svæðisstjórn björgunarsveitanna á svæði 6 og lögreglan á Vestfjörðum vilja færa þakkir til allra viðbragðsaðila á Vestfjörðum sem tóku þátt í leitaraðgerðunum. En ekki síður er þeim viðbragðsaðilum sem komu lengra að færðar sérstakar þakkir. Þá er forsvarsfólki fyrirtækja á svæðinu færðar þakkir fyrir mikilvægt framlag, t.d. í formi vinnuframlags starfsfólks, láni á bátum, búnaði, húsnæði, hráefni til matargerðar og fl.
Þá unnu slysavarnakonur á svæðinu mikilvægt verkefni, en það var að sinna matseld fyrir alla þáttakendur leitarinnar. En þegar mest var munu um 100 manns hafa unnið að leitinni síðustu daga.
Lögreglan á Vestfjörðum hefur verið í sambandi við fjölskyldu Áslaugar undanfarna daga og upplýst um framvindu aðgerðanna. Hugur viðbragðsaðila er hjá ástvinum Áslaugar og öðrum ættingjum.
35 CommentsComment on Facebook
