Hér er örugg leið til að senda inn gögn til lögreglunnar á Suðurlandi.
Sá sem skráir sig inn dregur skrár inn og ýtir á senda.
Frá því á mánudag er það helst að frétta af lögreglunni á Suðurlandi, að mikil hláka og vatnsveður olli talsverðum samgöngutruflunum og skemmdum á umferðarmannvirkjum. Meðan á því stóð voru verkefni lögreglu nokkuð tengd því.
Af öðrum málum er að segja að tíu ökumenn voru kærðir fyrir of hraðan akstur.
Fimm ökumenn voru stöðvaðir og kærðir fyrir að vera ekki með tilskilin réttindi til aksturs.
Fjórir ökumenn voru stöðvaðir, grunaðir um vímuakstur. Þrír fyrir akstur undir áhrifum ávana- og fíkniefna og í einu tilfelli fundust meint fíkniefni. Einn ökumaður grunaður um ölvunarakstur.
Tveir ökumenn voru kærðir fyrir notkun snjalltækja við akstur, án handfrjáls búnaðar, tveir ökumenn kærðir fyrir að vera ekki með ljósabúnað í lögmætu ástandi og einn ökumaður kærður fyrir að vera með hélaðar rúður við akstur.
Þrjú umferðaróhöpp eru skráð en öll voru þau án teljandi meiðsla á fólki.
Síðustu daga hafa verið settar frekari öxulþungatakmarkanir á vegi og hefur umferðardeild lögreglunnar á Suðurlandi verið með virkt eftirlit með þungatakmörkum. Þegar þetta er ritað hafa tveir atvinnubílsstjórar verið kærðir fyrir brot á reglum um stærð og þyngd ökutækja.
0 CommentsComment on Facebook
Það hefur verið annasöm vika hjá samfélagslöggunum, með Lúlla löggubangsa í fararbroddi, við að fræða leikskólabörn um mikilvægar umferðareglur eins og um bílbeltanotkun, hjálmanotkun og reglur um gangandi umferð.
Hægt er að fylgjast með forvarnastarfi samfélagslöggunnar á Suðurlandi á Instagram (Samfelagsloggur Sudurland)
0 CommentsComment on Facebook
Vegagerðin hefur birt ásþungatakmarkanir á fjölda vega í Árnes- og Rangárvalla- og Skaftafellssýslu vegna hættu á vegaskemmdum. Af þeim sökum verður lögregla með aukið eftirlit með ásþunga vöru- og hópferðabifreiða.
Við hvetjum ökumenn til að kynna sér takmarkanirnar á xn--umferin-0za.is/
umferdin.is/thungatakmarkanir
0 CommentsComment on Facebook
