Lögreglustjórinn á Suðurlandi ábyrgist að jafnlaunastjórnunarkerfi embættisins sé í samræmi við lög um jafna stöðu og jafnan rétt kynjanna nr. 150/2020. Embættið greiðir laun eftir umfangi og eðli starfa og tekur mið af þeim kröfum sem þau gera óháð kyni. Launaákvarðanir eru byggðar á kjara- og stofnanasamningum, studdar rökum og tryggja að sömu laun séu greidd fyrir sömu eða jafnverðmæt störf. Bregðast skal við með stöðugum umbótum ef óútskýrður kynbundinn launamunur kemur í ljós. Jafnlaunastjórnunarkerfið nær til alls starfsfólks.
Yfirlögregluþjónn stoðdeildar er fulltrúi stjórnenda varðandi jafnlaunastjórnunarkerfi og er ábyrgur fyrir innleiðingu og viðhaldi þess.
Með innleiðingunni skuldbindur embættið sig til þess að:
Innleiða vottað jafnlaunastjórnunarkerfi, skjalfesta og viðhalda í samræmi við
staðalinn ÍST 85.
Fylgja viðeigandi lögum, reglum og kjarasamningum sem í gildi eru hverju sinni.
Framkvæma árlega launagreiningu þar sem borin eru saman sömu eða
jafnverðmæt störf til að ganga úr skugga um hvort óútskýrður kynbundinn
launamunur sé til staðar.
Kynna starfsfólki niðurstöður launagreiningar sem er til úttektar árlega.
Bregðast við frávikum, athugasemdum og ábendingum með stöðugum umbótum
og eftirfylgni.
Framkvæma innri úttekt árlega.
Halda rýnifund stjórnenda árlega þar sem jafnlaunamarkmið eru sett fram og
rýnd.
Birta stefnuna á innri vef og kynna hana öllu starfsfólki.
Tryggja aðgengi almennings að stefnunni á vefsíðunni www.logreglan.is.
Jafnlaunastefna er jafnframt launastefna.
21.02.2024
Talsverður erill var hjá lögreglu nú um helgina.
12 manns voru kærðir fyrir að aka of greitt og mældist sá sem hraðast ók á 133km/klst. Einn þeirra sem ók of greitt reyndist einnig undir áhrifum áfengis og án ökuréttinda. Einn ökumaður var kærður fyrir að nota ekki viðeigandi öryggisbúnað fyrir barn í bifreiðinni.
Alls voru 3 aðilar kærðir fyrir að aka undir áhrifum áfengis og einn undir áhrifum ólöglegra ávana- og fíkniefna.
Kannabisræktun fannst í heimahúsi, þar sem ríflega 40 kannabisplöntur voru haldlagðar.
3 þjófnaðarmál komu á borð lögreglu og í einu þeirra var um ólögráða einstaklinga að ræða.
Ein líkamsárás var kærð og er það mál til rannsóknar.
Alls voru 3 einstaklingar vistaðir í fangageymslu um helgina.
Tvö umferðarslys urðu en enginn slasaðist alvarlega. Í öðru þeirra er ökumaður grunaður um ölvun.
Alvarlegt slys var í Tungufljóti seinnipart sunnudags, þar sem karlmaður féll í ána. Mikill viðbúnaður var og náðu straumvatnsbjörgunarmenn manninum úr ánni. Reyndar voru endurlífgunartilraunir, sem ekki báru árangur.
Alls eru 111 mál skráð hjá lögreglunni á suðurlandi frá því á föstudag.
0 CommentsComment on Facebook
Banaslys varð í dag, þegar karlmaður á fertugsaldri féll í Tungufljót nálægt Geysi. Straumvatnsbjörgunarmenn náðu manninum upp úr ánni og voru strax hafnar endurlífgunartilraunir á honum, sem báru ekki árangur.
Aðstæður á vettvangi voru krefjandi, rigning og mikið vatnsmagn í ánni.
Tildrög slyssins eru til rannsóknar hjá lögreglunni á suðurlandi.
14 CommentsComment on Facebook
Innilegar samúðarkveðjur 🥀
Innilegar samúðarkveðjur 😭😭💔💔😭😭😭
Innilegar samúðarkveðjur
Tilkynning barst til lögregu klukkan 15:48 um að aðili hefði fallið í Tungufljót, nálægt Geysi. Mikill viðbúnaður fór í gang og voru straumvatnsbjörgunarhópar boðaðir frá björgunarsveitum á svæðinu og höfuðborgarsvæðinu auk þyrlu landhelgisgæslunnar og sjúkrabifreiða frá Heilbrigðisstofnun Suðurlands.
Búið er að ná aðilanum upp og var hann fluttur með sjúkrabifreið af vettvangi.
Ekki er hægt að veita frekari upplýsingar um líðan hans að svo stöddu.
Rannsóknardeild lögreglustjórans á suðurlandi fer með rannsókn málsins.
0 CommentsComment on Facebook
