Launastefna Lögreglunnar á höfuðborgarsvæðinu styður við framkvæmd mannauðsstefnu og heildarstefnu embættisins. Þar er lögð áhersla á traust og gagnsæi í samskiptum, jafnrétti, starfsánægju og heilbrigðan starfsanda. Launastefnu er ætlað að styðja við framkvæmd stefnu á þann hátt að embættið laði að sér og haldi í hæft starfsfólk sem unir hag sínum vel hjá embættinu.
Launastefnan tekur til alls starfsfólks embættisins og hefur stuðning af jafnlaunastefnu embættisins. Hún kveður á um markmið og aðgerðir til að tryggja að öllu starfsfólki séu greidd jöfn laun fyrir sömu eða jafnverðmæt störf svo sem kveðið er á um í lögum um jafna stöðu og jafnan rétt kynjanna nr 150/2020 og öðrum lögum er snúa að launajafnrétti.
Að tryggja launajafnrétti er eitt áhersluatriða jafnréttisáætlunar embættisins. Í jafnréttisáætlun eru settar fram aðgerðir til að tryggja launajafnrétti.
Launaákvarðanir skulu vera gagnsæjar og málefnalegar og í samræmi við kjara- og stofnanasamninga embættisins. Umfang og eðli starfs hefur áhrif á launasetningu sem og þær kröfur sem gerðar eru til viðkomandi starfs í starfslýsingu. Starfslýsingar skulu vera til fyrir öll störf þar sem fram koma allir meginþættir starfsins og kröfur um menntun, þekkingu, hæfni og þá ábyrgð sem í starfinu felst. Mikilvægt er að launasetning og launaþróun sé hvetjandi og sanngjörn og tryggt sé að starfsfólk njóti sömu kjara fyrir sömu eða jafnverðmæt störf.
Telji starfsmaður sig ekki vera rétt raðaðan í launum getur viðkomandi óskað eftir að laun verði rýnd á grunni gildandi kjara- og stofnanasamninga og gildandi verklagsreglna jafnlaunakerfis LRH og ákvæða laga nr. 150/2020 og annarra laga er snúa að jafnri stöðu kynja.
Lögreglustjóri ber ábyrgð á launastefnu LRH. Mannauðsstjóri er fulltrúi lögreglustjóra í að framfylgja stefnunni.
Launastefnan er yfirfarin reglulega en heildarendurskoðun fer fram samhliða endurskoðun jafnréttisáætlunar.
Samþykkt af yfirstjórn LRH þann 20.október 2022.
Ef erindið er ekki brýnt sendu okkur tölvupóst í gegnum formið eða hringja í síma 444 1000 Lögreglan minnir einnig á fíkniefnasímann 800 5005.
Um útivistartímann, hópamyndanir og eftirlitslaus partí. ... Sjá meiraSjá minna
0 CommentsComment on Facebook
Talsvert var um hraðakstur á höfuborgarsvæðinu um helgina og eiga margir ökumenn væna sekt yfir höfði sér vegna þessa. Hinir brotlegu voru á ýmsum aldri, eða allt frá því að vera 17 ára með nokkurra daga gamalt ökuskírteini og yfir í að vera á sjötugsaldri með áralanga reynslu af akstri og ættu því að vita betur. Aðspurðir um hraðakstur grípa ökumenn gjarnan til ýmissa afsakana og segjast oft hafa verið of seinir á leiðinni eitthvað, t.d. í vinnuna eins var tilfellið hjá einum ökuþórnum um helgina. Einn sem var stöðvaður fyrir hraðakstur að þessu sinni var með radarvara í bílnum og var svekktur með að radarvarinn brást honum!
Grófasta hraðakstursbrotið um helgina var framið á Vesturlandsvegi í Reykjavík, á móts við Korputorg, en þar mældust tvær bifreiðar á 168 km hraða. Ökumennirnir, karlar um tvítugt, voru þar í „kappakstri“ en slíkur var hraðinn að þeir sprengdu sektarskalann. Fyrir þennan ofsaakastur eiga ökumennirnir nú yfir höfði sér ákæru.
... Sjá meiraSjá minna
14 CommentsComment on Facebook
Besti radarvarinn er að keyra á löglegum hraða!
Bíll á þessum hraða er ekkert annað en morðvopn! Mér finnst að þessir ungu og öldnu háskaökumenn þyrftu auk sektar að vinna í samfélagsþjónustu, annaðhvort á slysadeild eða í slysaútköllum kanski yrði það að sjá afleiðingar slysa og slasað fólk til að kveikja á varfærni þessara ökumanna
Gott á þessa ökunýðinga.
En hvað eru margir teknir ljóslausir á hverjum degi?
Takk fyrir að ná þessum glæpafólki (körlum og konum) sem ættu ekki að hafa ökuréttindi ef þau telja sig yfir lög og reglur hafin.
STÓRÁRÁS Á ÍSLENDINGA
Lögregla og aðrir sem fylgjast með netárásum hafa orðið varir við umfangsmikla tilraun til vefveiða á Íslendinga.
Undirbúningur glæpamannanna er vandaður. Þeir byrja með auglýsingum á Facebook þar sem þeir hafa stolið myndum af þekktum Íslendingum. Tilgangurinn er að veiða fólk inn í falska fjárfestinga svikamyllu og þannig stela af fólki peningum.
Ef þið sjáið einhverja af þremur eftirfarandi auglýsingum, þá eru þær svindl. Best er að tilkynna þær til Facebook sem svindl en að öðrum kosti hunsa þær alveg. Ef þið klikkið á þær þá farið þið á falska síðu sem líkir eftir mbl.is en er það alls ekki og þaðan er verið að reyna að tæla ykkur yfir á svikasíður sem líkja eftir fjárfestingasíðum en hafa þann eina tilgang að svíkja af fólki peninga, engin raunveruleg fjárfesting á sér stað.
Þessi glæpahópur hefur útbúið mikinn fjölda af þessu auglýsingum og jafnframt sett upp fjölda af netsíðum til að styðja við glæpinn. Umfangið bendir til þess að þarna sé vel skipulagður hópur glæpamanna að baki.
Meðfylgjandi eru myndir af svikaauglýsingum og gervi fréttasíðum.
... Sjá meiraSjá minna
13 CommentsComment on Facebook
Svo lengi sem enginn kennir þeim íslensku…… 😂
Það skiptir ekki máli hvort það eru netsvik eða svik stjórnmálamanna þetta eru allt svik hvers vegna er ekki tekið á svik stjórnmálamanna?
I had one on Instagram today, supposedly coming from MBL. I reported it as a scam, before I'd heard that this was known.
Þið eruð heldur betur með puttann á púlsinum hérna. Björgólfur Thor, Kári Stefáns og fleiri hafa reglulega verið að skjóta upp kollinum síðan 2021. Samfélagsmiðlar gera ekkert í þessu því þetta eru kostaðir póstar í flestum tilfellum.
Hef séð þetta lengi, í mörg ár.