Talsvert var um hraðakstur á höfuborgarsvæðinu um helgina og eiga margir ökumenn væna sekt yfir höfði sér vegna þessa. Hinir brotlegu voru á ýmsum aldri, eða allt frá því að vera 17 ára með nokkurra daga gamalt ökuskírteini og yfir í að vera á sjötugsaldri með áralanga reynslu af akstri og ættu því að vita betur. Aðspurðir um hraðakstur grípa ökumenn gjarnan til ýmissa afsakana og segjast oft hafa verið of seinir á leiðinni eitthvað, t.d. í vinnuna eins var tilfellið hjá einum ökuþórnum um helgina. Einn sem var stöðvaður fyrir hraðakstur að þessu sinni var með radarvara í bílnum og var svekktur með að radarvarinn brást honum!
Grófasta hraðakstursbrotið um helgina var framið á Vesturlandsvegi í Reykjavík, á móts við Korputorg, en þar mældust tvær bifreiðar á 168 km hraða. Ökumennirnir, karlar um tvítugt, voru þar í „kappakstri“ en slíkur var hraðinn að þeir sprengdu sektarskalann. Fyrir þennan ofsaakastur eiga ökumennirnir nú yfir höfði sér ákæru.
12 CommentsComment on Facebook
Besti radarvarinn er að keyra á löglegum hraða!
Gott á þessa ökunýðinga.
Takk fyrir að ná þessum glæpafólki (körlum og konum) sem ættu ekki að hafa ökuréttindi ef þau telja sig yfir lög og reglur hafin.
Bíll á þessum hraða er ekkert annað en morðvopn! Mér finnst að þessir ungu og öldnu háskaökumenn þyrftu auk sektar að vinna í samfélagsþjónustu, annaðhvort á slysadeild eða í slysaútköllum kanski yrði það að sjá afleiðingar slysa og slasað fólk til að kveikja á varfærni þessara ökumanna
En hvað eru margir teknir ljóslausir á hverjum degi?
STÓRÁRÁS Á ÍSLENDINGA
Lögregla og aðrir sem fylgjast með netárásum hafa orðið varir við umfangsmikla tilraun til vefveiða á Íslendinga.
Undirbúningur glæpamannanna er vandaður. Þeir byrja með auglýsingum á Facebook þar sem þeir hafa stolið myndum af þekktum Íslendingum. Tilgangurinn er að veiða fólk inn í falska fjárfestinga svikamyllu og þannig stela af fólki peningum.
Ef þið sjáið einhverja af þremur eftirfarandi auglýsingum, þá eru þær svindl. Best er að tilkynna þær til Facebook sem svindl en að öðrum kosti hunsa þær alveg. Ef þið klikkið á þær þá farið þið á falska síðu sem líkir eftir mbl.is en er það alls ekki og þaðan er verið að reyna að tæla ykkur yfir á svikasíður sem líkja eftir fjárfestingasíðum en hafa þann eina tilgang að svíkja af fólki peninga, engin raunveruleg fjárfesting á sér stað.
Þessi glæpahópur hefur útbúið mikinn fjölda af þessu auglýsingum og jafnframt sett upp fjölda af netsíðum til að styðja við glæpinn. Umfangið bendir til þess að þarna sé vel skipulagður hópur glæpamanna að baki.
Meðfylgjandi eru myndir af svikaauglýsingum og gervi fréttasíðum.
11 CommentsComment on Facebook
Svo lengi sem enginn kennir þeim íslensku…… 😂
Það skiptir ekki máli hvort það eru netsvik eða svik stjórnmálamanna þetta eru allt svik hvers vegna er ekki tekið á svik stjórnmálamanna?
Hef séð þetta lengi, í mörg ár.
Ef þetta er Stórárás, þá er eitthvað ekki lagi og mikið að fara framhjá, netglæpir eru verða mikið verri en þetta nígeríusvindl sem flestir sjá orðið í gegnum?
Þið eruð heldur betur með puttann á púlsinum hérna. Björgólfur Thor, Kári Stefáns og fleiri hafa reglulega verið að skjóta upp kollinum síðan 2021. Samfélagsmiðlar gera ekkert í þessu því þetta eru kostaðir póstar í flestum tilfellum.
