rá árinu 2020 hefur lögreglan á Austurlandi birt stefnumörkun til næstu tólf mánaða. Stefnumörkunina hefur lögreglan byggt á reynslu fyrri ára, þeim markmiðum sem sett hafa verið, áherslum og niðurstöðum. Stefnan hefur verið kynnt opinberlega með það að markmiði meðal annars að störf lögreglunnar verði sýnileg og gefi kost á skoðanaskiptum og samtali um það hvert beri að stefna. Í þessum anda hefur stefnan og verið kynnt helstu samstarfsaðilum fyrir útgáfu og í drögum.
Lykilmarkmið embættisins er að auka öryggi og öryggistilfinningu íbúa og þeirra sem starfa og dvelja í umdæminu. Því markmiði telur lögreglan sig geta náð með því að vinna eftir skýrri hugmyndafræði og stefnu sem á henni byggir.
Helstu áhersluatriði lögreglunnar á Austurlandi, þau sem hún telur best gagnast við að ná lykilmarkmiðum sínum, er samstarf við hagsmunaaðila, sýnileg löggæsla, faglegar og skilvirkar rannsóknir, markviss greining gagna og regluleg upplýsingamiðlun.
Lögregla hefur átt afar góða samvinnu við sveitarfélög á svæðinu, í samræmi meðal annars við ákvæði 12. gr. lögreglulaga nr. 90/1996, og barnavernd. Lögreglan stefnir að því að efla það samstarf enn með auknu samtali við skólastjórnendur umdæmisins í samræmi við forvarnarstefnu embættisins, nemendur þeirra og kennara. Þá stefnir lögreglan að öflugu og góðu samtali við félagasamtök, atvinnulíf og ekki síst íbúa umdæmisins með það leiðarljósi að samvinna og samstarf sé best til þess fallið að gera gott samfélag enn betra.
Afbrotavarnir eru samfélagslegt viðfangsefni þar sem allir hafa hlutverk og bera ábyrgð.
Stefnuna í heild sinni má finna hér.
Skyrgámur nýkominn af fjöllum og akandi síðasta spölinn stöðvaði í gær hjá lögreglumönnum í Fjarðabyggð sem þá voru við umferðareftirlit. Sveinki var áhugasamur og ræðinn. Hafði veitt því athygli að ökumenn fengu að blása í mæli af einhverju tagi. Fékk að spreyta sig og hafði gaman af. Sagði í óspurðum fréttum enga óreglu á fjöllum. Slíkt liði móðir hans ekki.
Hvarf við svo búið enda á hraðferð nokkurri, stutt í að börnin færu að sofa og vildi nýta tímann vel.
Um leið og honum, bræðrum hans og fjölskyldunni allri er óskað velfarnaðar þessi jól sem önnur hvetur lögregla ökumenn og vegfarendur til að fara varlega þarna úti og gæta hvert að öðru.
0 CommentsComment on Facebook
Talsverður erill er gjarnan í aðdraganda jóla hjá okkur öllum. Jólamarkaðir eru víða, jólahlaðborð og annað sem kallar auk þess á aukið eftirlit og verkefni hjá lögreglu. Helgin bar þess merki þar sem í mörg horn var að líta. Umferðarslys varð á Háreksstaðaleið þar sem bifreið fór út af vegna hálku og valt. Þrír ungir piltar voru í bílnum sem allir þurftu aðhlynningar við en virðast hafa sloppið með skrekkinn. Ökumaður var stöðvaður grunaður um akstur undir áhrifum fíkniefna og það mál nú til afgreiðslu.
Þá var lögregla með sérstakt eftirlit með lagningum ökutækja í kringum Jólamarkaðinn á Egilsstöðum en þar hefur á stundum verið pottur brotinn. Hvatning var þess vegna send út á föstudag til ökumanna um að nýta bílastæði sem eru víða í kring um markaðinn. Er skemmst frá því að segja að lögregla þurfti ekki að hafa afskipti af neinum vegna þessa.
Förum varlega í skammdeginu og gætum þannig hvert að öðru, ekki síst í þeim ys og þys er fylgir mánuðinum.
1 CommentComment on Facebook
Vinsamlegast komið og hraðamælið á Borgarfjarðarveginum gegnum Eiða. Það er hending ef ökumenn virða hámarkshraðann hér. Best væri að segtja upp meðalhraðamælingu hér. Hún myndi borga sig upp á nokkrum mánuðum !
Jólamarkaður jólakattarins fer fram á morgun, laugardag og verður í Landsnetshúsinu og Dekkjahöllinni á Egilsstöðum.
Hvetjum þá sem hyggjast sækja markaðinn heim að nýta bílastæði þau sem eru all víða í kring og leggja ekki utan þeirra svo komast megi hjá sektum vegna ólöglegra lagninga ökutækja.
Á myndinni hér að neðan sjást þau bílastæði við fyrirtæki og stofnanir á svæðinu sem gestir geta notað á meðan markaðurinn er heimsóttur.
0 CommentsComment on Facebook
