Lögreglustjóri ber ábyrgð á launastefnu embættisins. Hann ber einnig ábyrgð á jafnlaunastefnu og að lagalegum kröfum og kröfum Jafnlaunastaðalsins ÍST 85:2012 sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfið.
Embættið greiðir laun eftir umfangi og eðli starfs og tekur mið af kröfum sem störf gera um þekkingu, hæfni og ábyrgð.
Forsendur launaákvarðana eru að þær séu í samræmi við lög, reglur og kjara- og stofnanasamninga, studdar rökum og tryggt að sömu laun séu greidd fyrir sambærileg eða jafn verðmæt störf.
Gæta skal að því við ákvörðun launa og annarra starfskjara og hlunninda að ekki sé mismunað á grundvelli kyns, eða að önnur ólögmæt mismunun eigi sér stað á grundvelli persónubundinna atriða eða annarra ólögmætra þátta. Jafnræðis skal gætt við úthlutun verkefna, tilfærslur í störfum, tækifæri til símenntunar, veitingu tækifæra til að axla ábyrgð og ákvarðana varðandi framgang í störfum og uppsagnir.
Tryggja skal öllum jafna möguleika til starfa, ábyrgðar, launa, stöðuhækkana, endurmenntunar og starfsþjálfunar.
Launastefnan samræmist mannauðsstefnu embættisins/lögreglu.
Stjórnendur leggja áherslu á sífelldar umbætur, eftirlit og viðbrögð og starfsmenn hvattir til að koma þar að málum.
Umfang og eðli starfs hefur áhrif á laun og ræðst fyrst og fremst af fjórum þáttum, hæfni, ábyrgð, álagi og vinnuaðstæðum en einnig af persónubundnum þáttum; viðbótarmenntun er nýtist í starfi, sérstöku bakvaktarálagi, þjálfun og handleiðslu.
Starfslýsingar skulu vera til um öll störf embættisins. Þar skulu koma fram allir meginþættir starfs, svo sem kröfur um menntun, hæfni, reynslu og þá ábyrgð sem í starfinu felst auk upplýsinga um starfaflokk samkvæmt stofnanasamningi.
Ákvarðanir um launabreytingar eru teknar af lögreglustjóra, sem fer yfir laun allra starfsmanna embættisins árlega til að tryggja að samræmis sé gætt í launagreiðslum.
Starfsmenn geta fengið viðtal við lögreglustjóra um endurskoðun launa. Telji lögreglustjóri þörf á endurskoðun að loknum fundi hefur hann samráð við yfirlögregluþjón og skrifstofustjóra um framhald málsins.
Markmið embættisins er að tryggja öllum starfsmönnum jöfn laun og sömu kjör fyrir sömu eða jafn verðmæt störf. Tryggja skal öllum jafna möguleika til starfa, ábyrgðar, launa, stöðuhækkana, endurmenntunar og starfsþjálfunar.
Til að ná þessum markmiðum skal embættið:
Innleiða jafnlaunakerfi, skjalfesta og viðhalda því.
-Framkvæma árlega launagreiningu þar sem borin eru saman sömu eða jafnverðmæt störf til að greina hugsanlegan kynbundinn launamun og kynna starfsfólki helstu niðurstöður.
Bregðast við frábrigðum sem fram koma með stöðugum umbótum og eftirliti.
Árlega verði gerð innri úttekt og að verkefnastjórn rýni stöðuna á jafnlaunakerfinu og aðgerðaráætlun verði yfirfarin og uppfærð eftir þörfum.
Fylgja viðeigandi lögum, reglum og kjarasamningum sem í gildi eru á hverjum tíma og staðfesta hlítni við lög.
Jafnlaunastefnan verði árlega kynnt öllu starfsfólki og hún gerð aðgengileg öllum á vefsíðu LAL.
Lögreglustjóri ber ábyrgð á launastefnu embættisins. Hann ber einnig ábyrgð á jafnlaunastefnu og að lagalegum kröfum og kröfum Jafnlaunastaðalsins ÍST 85:2012 sé framfylgt. Yfirlögregluþjónn er tilnefndur fulltrúi lögreglustjóra varðandi jafnlaunakerfið.
Skyrgámur nýkominn af fjöllum og akandi síðasta spölinn stöðvaði í gær hjá lögreglumönnum í Fjarðabyggð sem þá voru við umferðareftirlit. Sveinki var áhugasamur og ræðinn. Hafði veitt því athygli að ökumenn fengu að blása í mæli af einhverju tagi. Fékk að spreyta sig og hafði gaman af. Sagði í óspurðum fréttum enga óreglu á fjöllum. Slíkt liði móðir hans ekki.
Hvarf við svo búið enda á hraðferð nokkurri, stutt í að börnin færu að sofa og vildi nýta tímann vel.
Um leið og honum, bræðrum hans og fjölskyldunni allri er óskað velfarnaðar þessi jól sem önnur hvetur lögregla ökumenn og vegfarendur til að fara varlega þarna úti og gæta hvert að öðru.
0 CommentsComment on Facebook
Talsverður erill er gjarnan í aðdraganda jóla hjá okkur öllum. Jólamarkaðir eru víða, jólahlaðborð og annað sem kallar auk þess á aukið eftirlit og verkefni hjá lögreglu. Helgin bar þess merki þar sem í mörg horn var að líta. Umferðarslys varð á Háreksstaðaleið þar sem bifreið fór út af vegna hálku og valt. Þrír ungir piltar voru í bílnum sem allir þurftu aðhlynningar við en virðast hafa sloppið með skrekkinn. Ökumaður var stöðvaður grunaður um akstur undir áhrifum fíkniefna og það mál nú til afgreiðslu.
Þá var lögregla með sérstakt eftirlit með lagningum ökutækja í kringum Jólamarkaðinn á Egilsstöðum en þar hefur á stundum verið pottur brotinn. Hvatning var þess vegna send út á föstudag til ökumanna um að nýta bílastæði sem eru víða í kring um markaðinn. Er skemmst frá því að segja að lögregla þurfti ekki að hafa afskipti af neinum vegna þessa.
Förum varlega í skammdeginu og gætum þannig hvert að öðru, ekki síst í þeim ys og þys er fylgir mánuðinum.
1 CommentComment on Facebook
Vinsamlegast komið og hraðamælið á Borgarfjarðarveginum gegnum Eiða. Það er hending ef ökumenn virða hámarkshraðann hér. Best væri að segtja upp meðalhraðamælingu hér. Hún myndi borga sig upp á nokkrum mánuðum !
Jólamarkaður jólakattarins fer fram á morgun, laugardag og verður í Landsnetshúsinu og Dekkjahöllinni á Egilsstöðum.
Hvetjum þá sem hyggjast sækja markaðinn heim að nýta bílastæði þau sem eru all víða í kring og leggja ekki utan þeirra svo komast megi hjá sektum vegna ólöglegra lagninga ökutækja.
Á myndinni hér að neðan sjást þau bílastæði við fyrirtæki og stofnanir á svæðinu sem gestir geta notað á meðan markaðurinn er heimsóttur.
0 CommentsComment on Facebook
