Nauðgun og annað kynferðisofbeldi eru alvarleg brot sem varða við almenn hegningarlög.
- Hafðu samband við 112 hvenær sem er til að fá aðstoð ef þér hefur verið nauðgað, beitt kynferðisofbeldi eða grunar að slíkt hafi skeð.
- Leitaðu til neyðarmóttöku fyrir þolendur kynferðisofbeldis ef brotið er nýafstaðið.
- Einnig er hægt að fara á heilsugæsluna eða til þjónustumiðstöðva fyrir þolendur ofbeldis: Bjarkarhlíð í Reykjavík, Bjarmahlíð á Akureyri og Sigurhæðir á Selfossi.
Birtingarmyndir kynferðisofbeldis:
- Nauðgun
- Nauðgunartilraun
- Kynferðisofbeldi gegn börnum
- Kynferðisleg áreitni
- Sifjaspell
- Stafrænt kynferðisofbeldi
- Klám
- Vændi
- Mansal
- Blygðunarsemisbrot
Á síðari árum hefur orðið mikil vitundavakning í samfélaginu og innan lögreglunnar um skaðsemi og afleiðingar kynferðisofbeldis. Lögreglan hefur unnið að því að auka þjónustu við brotaþola og auka sýnileika og gagnsæi á meðan mál eru í rannsókn.
Á vefsíðu 112.is má finna leiðarvísir um það ferli sem fer í gang við tilkynningu til lögreglu og við hverju má búast. Leiðarvísirinn útskýrir ferlið vegna brota á einstaklingum sem eru:
- Eldri en 18 ára
- 15-17 ára
- 14 ára og yngri.
- Almennt um feril sakamála í réttarvörslukerfinu – Ríkissaksóknari
Miklu máli skiptir að fá góðan stuðning eftir kynferðisofbeldi og getur það skipt höfuðmáli varðandi langtímaafleiðingar.
Á 112.is má finna upplýsingar um þau úrræði sem eru til aðstoðar fyrir þolendur kynferðisbrota.
Á ég að kæra eða ekki? Það er mikilvægt að gerandi beri ábyrgð á broti sínu. Það tekur þó tíma og krefst vinnu til að sjá til þess að réttvísin nái fram að ganga.
Aðgerðaráætlun um meðferð kynferðisbrota í réttarvörslukerfinu er í gildi og er unnið að framkvæmd aðgerða. Birt hefur verið mælaborð yfir stöðu aðgerða á vef Stjórnarráðsins.
Ein af aðgerðunum er að bæta heildaryfirsýn yfir málsmeðferð kynferðisbrota í réttarvörslukerfinu, frá tilkynningu um mál til lögreglu til niðurstöður dómstóla. Lögreglan birtir ársfjórðungslega tölfræði um tilkynnt kynferðisbrot til lögreglunnar.
