Jafnlaunastefna embættis Lögreglustjórans á Suðurlandi
Lögreglustjórinn á Suðurlandi ábyrgist að jafnlaunastjórnunarkerfi embættisins sé í samræmi
við lög um jafna stöðu og jafnan rétt kvenna og karla nr. 10/2008. Embættið greiðir laun eftir
umfangi og eðli starfa og tekur mið af þeim kröfum sem þau gera óháð kyni. Launaákvarðanir
eru byggðar á kjara- og stofnanasamningum, studdar rökum og tryggja að sömu laun séu
greidd fyrir sömu eða jafnverðmæt störf. Bregðast skal við með stöðugum umbótum ef
óútskýrður kynbundinn launamunur kemur í ljós. Jafnlaunastjórnunarkerfið nær til alls
starfsfólks.
Yfirlögregluþjónn rannsóknardeildar er fulltrúi stjórnenda varðandi jafnlaunastjórnunarkerfi
og er ábyrgur fyrir innleiðingu og viðhaldi þess.
Með innleiðingunni skuldbindur embættið sig til þess að:
– Innleiða vottað jafnlaunastjórnunarkerfi, skjalfesta og viðhalda í samræmi við
staðalinn ÍST 85.
– Fylgja viðeigandi lögum, reglum og kjarasamningum sem í gildi eru hverju sinni.
– Framkvæma árlega launagreiningu þar sem borin eru saman sömu eða
jafnverðmæt störf til að ganga úr skugga um hvort óútskýrður kynbundinn
launamunur sé til staðar.
– Kynna starfsfólki niðurstöður launagreiningar sem er til úttektar árlega.
– Bregðast við frávikum, athugasemdum og ábendingum með stöðugum umbótum
og eftirfylgni.
– Framkvæma innri úttekt árlega.
– Halda rýnifund stjórnenda árlega þar sem jafnlaunamarkmið eru sett fram og
rýnd.
– Birta stefnuna á innri vef og kynna hana öllu starfsfólki.
– Tryggja aðgengi almennings að stefnunni á vefsíðunni www.logreglan.is.
Jafnlaunastefna er jafnframt launastefna.
19.11.2020
____________________________________
Lögreglustjórinn á Suðurland
Félags- og vinnumarkaðsráðuneytið veitti árið 2024 styrki til verkefna sem miða eiga að því að tryggja gerendum og þolendum ofbeldis aðgengi að stuðningi og ráðgjöf.
Forvarnarverkefnið Öruggara Suðurland, sem lýtur verkefnastjórn lögreglunnar á Suðurlandi, hlaut nýverið einn þeirra styrkja.
Styrkveitingin er afar mikilvæg fyrir verkefnið og gerir okkur kleift að þróa það og efla enn frekar í þágu afbrotavarna á Suðurlandi.
Að Öruggara Suðurlandi standa, auk embættis lögreglustjóra; sýslumaðurinn á Suðurlandi, öll sveitarfélögin í umdæmi lögreglustjórans á Suðurlandi (14 talsins), HSU og framhaldsskólarnir FAS, FSu og ML.
1 CommentComment on Facebook
Til hamingju 🥰
Frá því á mánudag er það helst að frétta af lögreglunni á Suðurlandi, að mikil hláka og vatnsveður olli talsverðum samgöngutruflunum og skemmdum á umferðarmannvirkjum. Meðan á því stóð voru verkefni lögreglu nokkuð tengd því.
Af öðrum málum er að segja að tíu ökumenn voru kærðir fyrir of hraðan akstur.
Fimm ökumenn voru stöðvaðir og kærðir fyrir að vera ekki með tilskilin réttindi til aksturs.
Fjórir ökumenn voru stöðvaðir, grunaðir um vímuakstur. Þrír fyrir akstur undir áhrifum ávana- og fíkniefna og í einu tilfelli fundust meint fíkniefni. Einn ökumaður grunaður um ölvunarakstur.
Tveir ökumenn voru kærðir fyrir notkun snjalltækja við akstur, án handfrjáls búnaðar, tveir ökumenn kærðir fyrir að vera ekki með ljósabúnað í lögmætu ástandi og einn ökumaður kærður fyrir að vera með hélaðar rúður við akstur.
Þrjú umferðaróhöpp eru skráð en öll voru þau án teljandi meiðsla á fólki.
Síðustu daga hafa verið settar frekari öxulþungatakmarkanir á vegi og hefur umferðardeild lögreglunnar á Suðurlandi verið með virkt eftirlit með þungatakmörkum. Þegar þetta er ritað hafa tveir atvinnubílsstjórar verið kærðir fyrir brot á reglum um stærð og þyngd ökutækja.
0 CommentsComment on Facebook
Það hefur verið annasöm vika hjá samfélagslöggunum, með Lúlla löggubangsa í fararbroddi, við að fræða leikskólabörn um mikilvægar umferðareglur eins og um bílbeltanotkun, hjálmanotkun og reglur um gangandi umferð.
Hægt er að fylgjast með forvarnastarfi samfélagslöggunnar á Suðurlandi á Instagram (Samfelagsloggur Sudurland)
0 CommentsComment on Facebook
