Jafnlaunastefna Lögreglunnar á höfuðborgarsvæðinu kveður á um markmið og aðgerðir til að tryggja að allt starfsfólk njóti sömu kjara fyrir sömu eða jafnverðmæt störf svo sem kveðið er á um í lögum um jafna stöðu og jafnan rétt kynjanna nr 150/2020 og öðrum lögum er snúa að launajafnrétti.
Jafnlaunakerfi embættisins er í samræmi við kröfur jafnlaunastaðals ÍST 85 og nær til alls starfsfólks embættisins.
Lögreglustjórinn á höfuðborgarsvæðinu skuldbindur sig til að:
Innleiða, skjalfesta og viðhalda jafnlaunakerfi í samræmi við kröfur jafnlaunastaðalsins.
Fylgja viðeigandi lögum og reglum sem í gildi eru á hverjum tíma.
Framkvæma árlega launagreiningu þar sem borin eru saman sömu eða jafnverðmæt störf til að ganga úr skugga um hvort kynbundinn launamunur sé til staðar.
Kynna starfsfólki niðurstöður launagreiningar hvað varðar kynbundinn launamun.
Bregðast við frábrigðum með stöðugum umbótum og eftirliti.
Gera innri úttekt og halda rýni yfirstjórnar árlega.
Birta stefnuna á innri vef og kynna hana öllu starfsfólki.
Stefnan sé aðgengileg almenningi á vefsíðu lögreglunnar.
LRH hefur innleitt jafnlaunakerfi sem nær til alls starfsfólks ásamt jafnréttisáætlun og byggir jafnlaunastefna embættisins á henni. Tilgangur jafnlaunakerfisins er að tryggja jafnrétti og jafna stöðu kynjanna hjá embættinu. Markmiðið er að nýta hæfni, krafta og kunnáttu starfsfólks til fulls án þess að kynbundin mismunun eigi sér stað. Með jafnréttisáætluninni eru stjórnendur og annað starfsfólk jafnframt minnt á mikilvægi þess að öll fái notið sín án tillits til kynferðis, trúarbragða, skoðana, þjóðernis, kynþáttar, kynhneigðar, aldurs og stöðu að öðru leiti og að nýta beri til jafns þá auðlegð sem felst í menntun, reynslu og viðhorfum kvenna og karla.
Kynjunum skulu greidd jöfn laun og þau njóta sömu kjara fyrir jafnverðmæt eða sambærileg störf sem og hvers konar frekari þóknana. Einnig skulu þau njóta sömu kjara hvað varðar hver önnur starfskjör eða réttindi sem metin verða til fjár í samræmi við gildandi kjara- og stofnanasamninga. Jafnlaunastefnan er unnin í samræmi við þau lög og reglugerðir sem fjalla um jafna stöðu og jafnan rétt kvenna og karla sem og aðra mismunun og er hluti af launastefnu embættisins.
Jafnlaunakerfið skal rýnt árlega og taka stöðugum umbótum. Jafnlaunamarkmið skulu endurskoðuð út frá niðurstöðum launagreiningar. Stjórnendur skulu einnig skuldbinda sig til að viðhalda stöðugum umbótum, eftirliti og bregðast við óútskýrðum launamun og þeim frávikum sem koma fram við rýni á jafnlaunakerfinu.
Jafnlaunastefnan er yfirfarin reglulega en heildarendurskoðun fer fram samhliða endurskoðun jafnréttisáætlunar.
Samþykkt af yfirstjórn LRH þann 20.október 2022.
Í kvöld er stefnt á að fræsa og malbika hægri akrein Kringlumýrarbrautar í Reykjavík í suðurátt, á milli Bústaðavegar og Kársnesbrautar í Kópavogi. Kaflinn er um 610 m að lengd og verður þrengt í eina akrein meðfram framkvæmdasvæðinu og hámarkshraði lækkaður. Áætlaður framkvæmdatími er frá kl. 19 til 2 í nótt. Í kvöld er líka stefnt á að fræsa og malbika vinstri akrein Hafnarfjarðarvegar í Kópavogi í suðurátt, á milli Kársnesbrautar og Kópavogsbrautar. Kaflinn er um 740 m að lengd og verður honum lokað, en hjáleið verður um Kópavogsháls. Áætlaður framkvæmdatími er frá kl. 21 til 6 í nótt.
Ökumenn eru beðnir um að aka varlega, sýna tillitssemi og virða merkingar.
0 CommentsComment on Facebook
Talsvert var um hraðakstur á höfuborgarsvæðinu um helgina og eiga margir ökumenn væna sekt yfir höfði sér vegna þessa. Hinir brotlegu voru á ýmsum aldri, eða allt frá því að vera 17 ára með nokkurra daga gamalt ökuskírteini og yfir í að vera á sjötugsaldri með áralanga reynslu af akstri og ættu því að vita betur. Aðspurðir um hraðakstur grípa ökumenn gjarnan til ýmissa afsakana og segjast oft hafa verið of seinir á leiðinni eitthvað, t.d. í vinnuna eins var tilfellið hjá einum ökuþórnum um helgina. Einn sem var stöðvaður fyrir hraðakstur að þessu sinni var með radarvara í bílnum og var svekktur með að radarvarinn brást honum!
Grófasta hraðakstursbrotið um helgina var framið á Vesturlandsvegi í Reykjavík, á móts við Korputorg, en þar mældust tvær bifreiðar á 168 km hraða. Ökumennirnir, karlar um tvítugt, voru þar í „kappakstri“ en slíkur var hraðinn að þeir sprengdu sektarskalann. Fyrir þennan ofsaakastur eiga ökumennirnir nú yfir höfði sér ákæru.
13 CommentsComment on Facebook
Besti radarvarinn er að keyra á löglegum hraða!
Bíll á þessum hraða er ekkert annað en morðvopn! Mér finnst að þessir ungu og öldnu háskaökumenn þyrftu auk sektar að vinna í samfélagsþjónustu, annaðhvort á slysadeild eða í slysaútköllum kanski yrði það að sjá afleiðingar slysa og slasað fólk til að kveikja á varfærni þessara ökumanna
Gott á þessa ökunýðinga.
En hvað eru margir teknir ljóslausir á hverjum degi?
Takk fyrir að ná þessum glæpafólki (körlum og konum) sem ættu ekki að hafa ökuréttindi ef þau telja sig yfir lög og reglur hafin.
