Þrír handteknir í lögregluaðgerðum á Akureyri
Þrír karlmenn voru handteknir í lögregluaðgerðum á Akureyri í morgun. Í framhaldi voru framkvæmdar húsleitir í tveimur húsnæðum og lagði lögreglan hald á farsíma og …
Lögreglustjórinn á Norðurlandi eystra
Þórunnarstræti 138
600 Akureyri
Opnunartími: 08:00-15:00
Þjónustusími: 444 2800
Netfang: nordurland.eystra@logreglan.is
Lögreglustjóri umdæmisins: Páley Borgþórsdóttir
Umdæmið er eitt það stærsta á Íslandi og þekur tæplega 23.300 ferkílómetra landsins.
Vesturmörk umdæmisins fylgja miðjum Tröllaskaga til sjávar að Almenningsnöfum. Til suðurs fylgir vestasti hluti umdæmisins Eyjafjarðardölum, allt til Hofsjökuls og austur um til Vatnajökuls. Austurmörk umdæmisins eru frá Dyngjujökli, vestan við Kverkfjöll og norður eftir meðfram Jökulsá og til sjávar eftir Sandvíkurheiði, að Stapá, milli Viðvíkur og Strandhafnar.
Íbúafjöldi þann 01.01.2022 var 31.161.
Stærstu þéttbýlisstaðir eru Akureyri með 19.642 íbúa. Fjallabyggð, Ólafsfjörður og Siglufjörður ásamt dreifbýli með 1.966 íbúa. Norðurþing, Húsavík, Kópasker, Raufarhöfn og dreifbýli með 2.822 íbúa. Dalvíkurbyggð með 1.860 íbúa. Langanesbyggð, Þórshöfn og Bakkafjörður og dreifbýli með 506 íbúa. Svalbarðsstrandarhreppur, Svalbarðseyri og dreifbýli með 449 íbúa. Grýtubakkahreppur og Grenivík með 369 íbúa.
Innan umdæmisins eru aðrir þéttbýlisstaðir m.a. Árskógssandur og Hauganes, Hrísey, Grímsey, Reykjahlíð við Mývatn, Laugar í Reykjadal og Hrafnagilshverfi í Eyjafjarðarsveit.
Nú í kvöld mun gula veðurviðvörunin hér á Norðurlandi eystra falla úr gildi en áfram má samt vænta þess að talsvert snjókoma verði á svæðinu á morgun, mánudag.
Óvissustig vegna snjóflóðahættu er enn í gildi á Norðurlandi.
Samgöngur hafa raskast talsvert og eru t.a.m. Öxnadalsheiði og Mývatns- og Möðrudalsöræfi lokuð og verður ekki hugað að opnun á þessum leiðum fyrr en á morgun. Allar nánari upplýsingar um færð má finna á vef Vegagerðarinnar, www.umferdin.is
Þessu tengdu þá viljum vekja sérstaka athygli á því til íbúa og gesta á Siglufirði að vera ekki að dvelja eða njóta útiveru á og eða undir snjóflóðavarnargörðunum ofan við byggðina í aðstæðum sem þessum þegar snjóflóðahætta er. ... Sjá meiraSjá minna
Umferðin
www.umferdin.is
Upplýsingar um færð á vegum0 CommentsComment on Facebook
Nú bætir enn í snjóinn og Veðurstofan hefur nú gefið út gula veðurviðvörun á Norðurlandi eystra frá kl. 21:00 í kvöld, laugardag, og fram til sunnudagskvölds. Er það vegna vinds og snjókomu og er ljóst að samgöngur munu raskast verulega, allavega á fjallvegum.
Þá hefur Veðurstofan einnig sett á ÓVISSUSTIG á Norðurlandi vegna snjóflóðahættu og tekur það gildi kl. 22:00 í kvöld.
Hvetjum við alla sem huga á ferðalög að fylgjast vel með á veðri og færð á síðum Vegagerðarinnar og Veðurstofunnar. vedur.is/vidvaranir/svaedi/nordurlandeystra
umferdin.is/ ... Sjá meiraSjá minna
Umferðin
umferdin.is
Upplýsingar um færð á vegum0 CommentsComment on Facebook
Klukkan 13:00 barst lögreglunni á Norðurlandi eystra tilkynning um að snjóflóð hefði fallið á Böggvisstaðadal ofan Dalvíkur. Talið var í fyrstu að nokkrir vélsleðamenn hefðu mögulega lent í flóðinu og var því allt viðbragð í Eyjafirði virkjað og því stefnt á svæðið sem og þyrlu LHG. Aðgerðastjórn var virkjuð á Akureyri sem og Samhæfingastöðin í Reykjavík.
Þegar fyrstu viðbragðsaðilar voru komnir inn á Böggvisstaðadal náðist yfirsýn um stöðuna og kom þá í ljós að hópur vélsleðamanna hafði líklega sett stórt snjóflóð af stað í Dýjadal, sem er inn af Böggvisstaðadal, en enginn þeirra lent í flóðinu. Hópur fólks á skíðum, sem hafði verið í nágrenninu og tilkynnt um flóðið, var einnig óhult.
Laust fyrir kl. 14:00 var staðan metin þannig að nánast engar líkur væru á því að einhver hefði lent í flóðinu og var þá stærstum hluta viðbragðsaðila snúið frá. Til að tryggja samt endanlega að enginn hefði lent í flóðinu var unnið áfram að því með drónum að skoða allt svæðið nánar.
Viljum við vekja sérstaka athygli á því að mikil snjóflóðahætta er á Norðurlandi í kjölfar mikillar snjókomu nú um páskana og hvetjum við útivistarfólk til að huga vel að því á ferðum sínum.
vedur.is/#syn=snjoflod ... Sjá meiraSjá minna
0 CommentsComment on Facebook