Laust starf á skrifstofu ríkislögreglustjórans

Staða skrifstofumanns

Við embætti ríkislögreglustjórans er laus til umsóknar staða skrifstofumanns. Viðkomandi mun sinna almennum skrifstofustörfum, svo sem skráningum í skjalavörslukerfi embættisins, frágang skjala í skjalasafn, símsvörun, ljósritun og aðstoð við færslu á bókhaldi o.fl.  Reynsla af skrifstofustörfum áskilin. Ráðningakjör fara samkvæmt kjarasamningi Starfsmannafélagi ríkisstofnana, SFR  

Nánari upplýsingar gefur Guðmundur Stefánsson, skrifstofustjóri, í síma 570 2500.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin af ríkislögreglustjóra.

Konur sem uppfylla skilyrðin eru sérstaklega hvattar til að sækja um.

Umsóknum skal skilað til embættis ríkislögreglustjóra, Skúlagötu 21, 101, Reykjavík, en umsóknarfrestur rennur út þann 28. október 2002.

Reykjavík,  10. október 2002

Ríkislögreglustjórinn