Allmikið hefur borið á brotum ungra ökumanna í umferðinni á síðustu mánuðum. Því miður hafa ekki allir látið segjast og tekið upp betri siði við afskipti lögreglu og sektir sem þeim hafa fylgt. Því var ákveðið að senda foreldrum eða forráðamönnum ökumanna undir 18 ára aldri þ.e. ólögráða, bréf þar sem skírt er frá því að viðkomandi hafi verið staðin að broti og eins hvort hann megi eiga von á sekt eða ekki. Er þetta gert annarsvegar til að upplýsa forráðamenn og ekki síður til að gera þeim kleyft að reyna grípa inn í hættulega hegðun barna sinna.

Fyrstu bréfin voru send nú í vikunni og hefur lögregla fengið viðbrögð við þeim frá foreldrum sem eru á einu máli um að hér sé á ferðinni þarft framtak.

Er það von lögreglumanna að með því að upplýsa foreldra ungra ökumanna með þessum hætti megi stuðla að öruggari umferð í framtíðinni.