ÖKUPRÓF – ÖKUSKÍRTEINI

ALMENNAR UPPLÝSINGAR

Umsóknareyðublöð fást í afgreiðslu Lögreglustjórans í Reykjavík, Borgartúni 7B. Opnunartími 08:45 - 15:30.

Í ökuskírteini þarf eina nýja mynd, en ef einstaklingur á nýja mynd í ökuskírteinakerfinu, er hægt að nota hana.

Allir sem eru að endurnýja úr bráðabirgðaskírteini í fullnaðarskírteini þurfa að skila nýrri mynd. Með umsókn um alþjóðabók sem gildir í eitt ár, þarf alltaf að fylgja mynd.

Akstursmat þarf að fylgja umsókn um fullnaðarskírteini.

Allir 65 ára og eldri þurfa að skila læknisvottorði með umsókn um endurnýjun.

Með umsókn um aukin ökuréttindi þarf að fylgja læknisvottorð. Einnig þegar aukin ökuréttindi eru endurnýjuð.

Ökuskírteini eru staðgreidd (debetkort- ávísun - peningar) um leið og umsókn er lögð inn. Ekki eru tekin kreditkort.

Gjaldskrá ökuskírteina:

Bráðabirgða skírteini (gildir í tvö ár)  …………….          kr. 2.200

Ökuskírteini (fullnaðarskírteini) …………………..          kr. 3.900

Ökuskírteini (65 ára og eldri)  …………………….         kr. 1.100

Ökuskírteini flokkur M létt bifhjól …………………         kr. 2.200

Ökuskírteini flokkur T dráttarvél  ……………….            kr. 2.200