STARF LÖGREGLU

Almenningi er skylt að hlýða fyrirmælum sem lögreglan gefur, svo sem vegna umferðarstjórnar eða til þess að halda uppi lögum og reglum á almannafæri.
19. gr. lögreglulaga

Óhlýðnist maður fyrirmælum lögreglu getur hún gripið til nauðsynlegra ráðstafana á hans kostnað til að koma í veg fyrir að óhlýðni hans valdi tjóni eða stofni almenningi í hættu.
15. gr. 3. mgr. lögreglulaga

Lögreglu er heimilt að krefjast þess að maður segi til nafns síns, kennitölu og heimilisfangs og sýni skilríki því til sönnunar.
15 gr. 4. mgr. lögreglulaga

Lögreglan getur vísað þeim mönnum burtu af almannafæri, sem með háttsemi sinni valda vegfarendum eða íbúum í nágrenninu ónæði.
8. gr. lögreglusamþykktar Reykjavíkur

Enginn má á neinn hátt tálma því að maður gegni lögreglustörfum.
21. gr. lögreglulaga

ÁREITNI

2. mgr. Enginn má sýna öðrum áreitni á almannafæri eða sýna þar af sér ósæmilega háttsemi.
3. gr. lögreglusamþykktar Reykjavíkur

SKEMMDARVERK

Öllum ber að gæta þess að ganga vel um á almannafæri og skemma þar ekki hluti, sem ætlaðir eru til almenningsnota eða prýði. Þetta á einnig við þann hluta af húsum og öðrum mannvirkjum, sem liggja að almannafæri.

Á slík mannvirki má ekki mála eða teikna og ekki festa auglýsingar nema með leyfi eigenda eða umráðamanns. Þess skal gætt að troða ekki ræktaða bletti, grasreiti, blómabeð og limgerði á almannafæri og bannað er að slíta þar upp blóm.
Úr 10. gr. lögreglusamþykktar Reykjavíkur


ÁFENGI

Óheimilt er að selja, veita eða afhenda áfengi þeim sem er yngri en 20 ára.
Áfengislög 18. gr.

SAKHÆFI

Menn/Ungmenni/einstaklingar verða/verður sakhæf (ur) 15 ára. Hægt er að refsa þeim/honum fyrir afbrot sem framin eru eftir 15 ára aldur.

Sakhæfi er hæfi manns að lögum til að bera annars vegar skaðabótaábyrgð vegna réttarbrots og hins vega refsiábyrgð vegna afbrota og lýtur bæði að aldri manns og andlegu ástandi hans.

LÖGRÆÐI

Menn verða lögráða 18 ára. Lögráða maður er sjálfráða og fjárráða. Hvað felst í því að vera sjálfráða? Sjálfráða maður ræður einn öðru en fé sínu, s.s. persónulegum högum sínum, nema lög mæli á annan veg.