Umdæmi sýslumannsins á Akranesi nær yfir Akraneskaupstað og næsta nágrennihans eða nánar tiltekið frá Leyni, sem er lítil vík í útjaðri kaupstaðarins í suðri og eftir flatlendinu meðfram Akrafjalli í norð-austur að Berjadalsá en sú á kemur úr Akrafjalli. Umdæmið er samtals 9 ferkílómetrar að flatarmáli.

Eini þéttbýlisstaðurinn er Akraneskaupstaður þar sem búa um 6.600 íbúar og bærinn því 8. stærsta sveitarfélagið á landinu.

Saga Akraness nær allt aftur til landnáms og þar þróaðist eitt elsta sjávarpláss á landinu. Í dag er er atvinnuskipting á Akranesi nokkuð jöfn á milli iðnaðar, verslunar og þjónustu og opinberrar þjónustu.

Bærinn varð sjálfstætt sveitarfélag árið 1882 þegar skilið var á milli Innri- og Ytri-Akraneshrepps og sérstakur hreppstjóri settur fyrir ytri hreppinn á Akranesi. Þegar bærinn fékk kaupstaðarréttindi árið 1942 var sett á laggirnar bæjarfógetaembættið á Akranesi sem á árinu 1992 varð sýslumannsembættið á Akranesi.
Mikil samgönguleið lá í gegnum bæinn með viðkomu Akraborgarinnar en við opnun Hvalfjarðargangna hefur umferðin færst fjær bænum.

Viðkomustaðir ferðamanna eru helstir Byggðasafnið að Görðum við Garðagrund, íþróttamiðstöðin að Jaðarsbökkum en þar er ágæt sundlaug.  Fjaran Langisandur sem er svæðið sunnan við Jaðarsbakka er vinsæl sérstaklega á góðviðrisdögum enda þar góð aðstaða fyrir sjósundsfólk og aðra. Garðalundur er skógræktarsvæði, við golfvöllinn.  Þar er góð aðstaða, m.a. leiktæki og grillskáli,  fyrir einstklinga, fjölskyldur eða hópa til að koma  og eiga góða stund