Brot 3 ökumanna voru mynduð á Gagnvegi í Grafarvogi í dag. Fylgst var með ökutækjum sem var ekið Gagnveg í vesturátt, að Grundarhúsum. Á einni klukkustund, fyrir hádegi,  fóru 56 ökutæki þessa akstursleið og því óku fáir ökumenn, eða 5%, of hratt eða yfir afskiptahraða. Meðalhraði hinna brotlegu var rúmlega 64 km/klst en þarna er 50 km hámarkshraði. Sá sem hraðast ók mældist á 69.         

Eftirlit lögreglunnar á Gagnvegi er hluti af sérstöku umferðar- og hraðaeftirliti í og við íbúðargötur í umdæminu en unnið er eftir ábendingum frá starfsmönnum svæðisstöðva lögreglunnar. Á Gagnvegi var staðsett ómerkt lögreglubifreið sem er búin myndavélabúnaði. Reynslan hefur sýnt að notkun slíks búnaðar gefur gagnlegar upplýsingar um ástand umferðarmála og auðveldar leit að lausnum þar sem þeirra er þörf.